საფრანგეთის პრემიერ-მინისტრმა გაბრიელ ატალმა ნიდერლანდებში ვიზიტისას განაცხადა, რომ პარიზი მხარს უჭერს ნიდერლანდების პრემიერ-მინისტრის, მარკ რუტეს ნატო-ს მომავალ გენერალურ მდივნად არჩევას. იუწყება AFP.
„რა თქმა უნდა, ჩვენ მხარს ვუჭერთ მარკ რუტეს კანდიდატურას ნატო-ში, მისი გამოცდილებიდან გამომდინარე, მას შეუძლია ძალიან ფართო კოალიციის შექმნა და ჩვენი კოლექტიური უსაფრთხოებისთვის მოქმედება, - განაცხადა საფრანგეთის პრემიერ-მინისტრმა რუტესთან ერთობლივ პრესკონფერენციაზე.
თავად რუტემ, ნატო-ს თემაზე კომენტირებისას, ახსენა შეერთებული შტატების საპრეზიდენტო არჩევნები და გამოთქვა რწმენა, რომ შედეგების მიუხედავად, შტატები დარჩება ალიანსის საიმედო პარტნიორად და წევრად.
57 წლის მარკ რუტე არის ნატო-ს გენერალური მდივნის თანამდებობაზე მთავარი კანდიდატი. ის ახლა ნიდერლანდების პრემიერ-მინისტრის მოვალეობას ასრულებს ახალი მთავრობის ფორმირებამდე.
მოსალოდნელია, რომ იენს სტოლტენბერგის შემცვლელი, რომელიც ნატო-ს ათი წლის განმავლობაში ხელმძღვანელობდა, სავარაუდოდ ვაშინგტონის ივლისის სამიტამდე .გამოცხადდება.
