იემენის მახლობლად სატვირთო გემზე ჰუსიტების სარაკეტო თავდასხმის შედეგად ეკიპაჟის ორი წევრი დაიღუპა, ექვსი კი დაშავდა, – ამის შესახებ BBC აშშ-ის ოფიციალურ პირებზე დაყრდნობით წერს.
სატვირთო ხომალდის მფლობელი კომპანიის განცხადებით, რაკეტა (ან რაკეტები) მოხვდა სატვირთო ხომალდ True Confidence-სმ რომელიც ბარბადოსის დროსი ქვეშ ცურავდა. ამ მომენტსი გემი იმყოფებოდა იემენის ქალაქ ადენიდან სამხრეთ-დასავლეთით 93 კილომეტრში.
გემის მფლობელებმა განაცხადეს, რომ ეკიპაჟმა გემი დატოვა, ხოლო ბორტზე ხანძარი გაჩნდა. აშშ-ის ადმინისტრაციის ოფიციალური პირების თქმით, დაშავებულია ეკიპაჟის ექვსი წევრი.
კომპანია იუწყება, რომ ეკიპაჟის ბედის შესახებ ინფორმაციას არ ფლობს. ეკიპაჟი შედგებოდა 20 წევრისგან (მათ შორის ინდოეთის ერთი მოქალაქე, ოთხი ვიეტნამელი და 15 ფილიპინელი) და სამი შეიარაღებული მცველისგან (ორი შრი-ლანკიდან, ერთი ნეპალიდან).
ჰუსიტები ამბობენ, რომ მათი თავდასხმები ღაზაში ისრაელსა და „ჰამასს“ შორის ომში პალესტინელების მხარდასაჭერად ხორციელდება. ჰუსიტების განცხადებით, True Confidence-ის ეკიპაჟმა უგულებელყო „ჰუსიტების“ საზღვაო ძალების გაფრთხილებები.
