რუსეთის ფინანსური მონიტორინგის ფედერალურმა სამსახურმა ჭადრაკში მსოფლიო ჩემპიონი და ოპოზიციონერი პოლიტიკოსი გარი კასპაროვი „ტერორისტების და ექსტრემისტების“ სიაში შეიყვანა.
ამ ნუსხას რუსეთის ფინანსური მონიტორინგის ფედერალური სამსახური ადგენს იმის მიხედვით, ვის წინააღმდეგ აღიძვრება სისხლის სამართლის საქმე ექსტრემიზმის და ტერორიზმის მუხლით.
სიაში კასპაროვის გვარს ვარსკვლავი აქვს, რაც იმას ნიშნავს, რომ მის წინააღმდეგ საქმე ტერორიზმის მუხლით არის აღძრული.
2005 წელს კასპაროვმა დაასრულა სპორტული კარიერა და დაიწყო პოლიტიკური საქმიანობა. მან მონაწილეობა მიიღო არაერთ ოპოზიციურ მოძრაობაში. 2012 წელს აირჩიეს რუსეთის ოპოზიციის საკოორდინაციო საბჭოს წევრად. 2013 წელს კასპაროვმა დატოვა რუსეთი და განაცხადა, რომ პოლიტიკურ საქმიანობას საზღვარგარეთ გააგრძელებდა. 2022 წლის მაისში რუსეთის იუსტიციის სამინისტრომ კასპაროვი "უცხოეთი საგენტად" გამოაცხადა
