შვედეთი ნატო-ს წევრი ოფიციალურად 11 მარტს გახდება.
შვედური მედიის ინფორმაციით, ბრიუსელში, ნატო-ს სათავო ოფისში შვედეთის დროშას აღმართავენ.
ბელგიაში მიმდინარე ცერემონიალს დაესწრებიან შვედეთის პრემიერმინისტრი ულფ კრისტერსონი, ჯარების მთავარსარდალი მიქაელ ბიდენი და სხვა მაღალი რანგის პოლიტიკოსები, ასევე ნატო-ს ელჩები. გაიმართება პრესკონფერენციებიც.
26 თებერვალს უნგრეთის პარლამენტმა მხარი დაუჭირა შვედეთის ნატო-ს განაცხადს.
5 მარტს უნგრეთის პრეზიდენტმა ხელი მოაწერა ნატო-ში შვედეთის განაცხადს.
უნგრეთი ნატო-ს წევრი ქვეყნებიდან ბოლო იყო, რომელმაც შვედეთის განაცხადი დაამტკიცა.
