კატარში განახლდა მოლაპარაკებები ღაზის სექტორში მძევლების გათავისუფლებისა და საომარი მოქმედებების შეწყვეტის შესახებ. დოჰაში, მოლაპარკებებში მონაწილეობენ ეგვიპტის, კატარის, შეერთებული შტატებისა და ისრაელის, ასევე ჰამასის წარმომადგენლები შორის. ინფორმაციას ეგვიპტურ მედიაზე დაყრდნობით Times of Israel-ი ავრცელებს.
მედიის ცნობით,დღევანდელი შეხვედრა პარიზში გუშინ გამართული მოლაპარაკებების ერთგვარი გაგრძელებაა. პარიზში შედგაშეხვედრა, რომლის დროსაცმხარეებმა შეთანხმების სქემასთან დაკავშირებით პროგრესის შესახებ განაცხადეს.
ამ სქემის თანახმად, „ჰამასი“ 40-მდე ისრაელელ მძევალს, ისრაელი კი, 300-მდე პალესტინელ პატიმარს გაათავისუფლებს, ასევე, უნდა გამოცხადდეს საბრძოლო მოქმედებებში 6-კვირიანი პაუზა. იმ შემთხვევაში, თუ „ჰამასიც“ და ისრაელიც პირობებს დაეთანხმებიან, კატარის შემდეგ, კიდევ ერთი შეხვედრა კაიროში შედგება.
7 ოქტომბერს ისრაელზე უპრეცედენტო თავდასხმისას ტერორისტებმა მოკლეს დაახლოებით 1400 ადამიანი და აიყვანეს 253 მძევალი, ძირითადად მშვიდობიანი მოქალაქეები, რომელთაგან 130 ამ დრომდე ღაზის სექტორში რჩება. მათ შორის 30 სავარაუდოდ დაღუპულია.
