ევროკავშირში რუსეთის წინააღმდეგ ახალი, სანქციათა მე-13 პაკეტი შეათანხმეს. ამის შესახებ ოთხშაბათს, 21 თებერვალს, ბელგიამ განაცხადა, რომელიც ამჟამად ევროკავშირის საბჭოს თავმჯდომარეა. „ევროკავშირის ქვეყნების ელჩები ახლახან შეთანხმდნენ სანქციების მე-13 პაკეტზე [სანქციების რეჟიმის] ფარგლებში უკრაინის წინააღმდეგ რუსული აგრესიის გამო“, - წერს ევროკავშირში ბელგიის წარმომადგენლობა სოციალურ ქსელ „X“-ში.
სანქციათა პაკეტი ემთხვევა უკრაინაში რუსეთის სრულმასშტაბიანი შეჭრის ტრაგიკულ წლისთავს. ის ერთ-ერთი ყველაზე მოცულობითია. ელჩების დონეზე დამტკიცების შემდეგ კანონი წერილობით პროცედურას გაივლის და ოფიციალურად 24 თებერვლამდე დამტკიცდება.
ახალი სანქციების სიაში 200-მდე ფიზიკური და იურიდიული პირი მოხვდება. ამ პაკეტის მთავარი მიზანია მესამე ქვეყნებისა და კომპანიების მიერ სანქციების გვერდის ავლის აცილება. კერძოდ, ის ყურადღებას ამახვილებს დრონის კომპონენტების მიწოდების ჯაჭვებზე, რომელეიც რუსეთის სამხედრო კომპლექსში, შემდეგ კი უკრაინაში ბრძოლის ველზე ხვდება.
სანქციებს დაექვემდებარება რამდენიმე რუსული კომპანია და ორგანიზაცია მესამე ქვეყნებიდან, მათ შორის ჩინეთიდან და თურქეთიდან.
