რუსი მფრინავი მაქსიმ კუზმინოვი, რომელმაც 2023 წელს უკრაინაში რუსული სამხედრო ვერტმფრენი დასვა და უკრაინულ მხარეს ჩაბარდა, ესპანეთში გარდაცვლილი იპოვეს.
როგორც უკრაინულ მედიას ქვეყნის სამხედრო დაზვერვაში განუცხადეს, 28 წლის პილოტი მოკლული იპოვეს.
2023 წლის აგვისტოში რუსული სამხედრო ვერტმფრენი Mi-8 უკრაინის შეიარაღებული ძალების ერთ-ერთ სამხედრო ბაზაზე დაეშვა. უკრაინის სამხედრო დაზვერვაში მაშინ განაცხადეს, რომ ეს იყო სპეცოპერაციის შედეგი, რომელიც 6 თვეზე მეტხანს გრძელდებოდა.
უკრაინული მედია წერს, რომ რუსული მხარე კუზმინოვის, როგორც „მოღალატის“. მოკვლით, არაერთხელ იმუქრებოდა.
