რუსი ოპოზიციონერი ლიდერის ალექსეი ნავალნის გარდაცვალება არის ტრაგედია, რომელიც მთელ მსოფლიოს ახსენებს, რა მონსტრია რუსეთის პრეზიდენტი ვლადიმირ პუტინი. ამის შესახებ კანადის პრემიერ-მინისტრმა ჯასტინ ტრუდომ განაცხადა.
"ეს ნამდვილად გვიჩვენებს, თუ რამდენად დაეცა პუტინი... ის ყველას გაუსწორდება, ვინც რუსი ხალხის თავისუფლებისთვის იბრძვის. ეს არის ტრაგედია და ეს არის ის, რაც მთელ მსოფლიოს ახსენებს, რა მონსტრია პუტინი", - თქვა ტრუდომ.
კანადის მთავრობის მეთაურმა ნავალნის უწოდა ძლიერი მებრძოლი, რომელიც რუსი ხალხის დემოკრატიისა და თავისუფლებისთვის იბრძოდა.
