უკრაინის პრეზიდენტმა ვოლოდიმირ ზელენსკიმ დღეს გერმანიაში ვიზიტი დაიწყო.
„ჩემთვის ორი მნიშვნელოვანი დღე იწყება. შეხვედრები პარტნიორებთან გერმანიასა და საფრანგეთში, ახალი შეთანხმებები, მიუნხენის უსაფრთხოების კონფერენცია. უკრაინის უსაფრთხოების ახალი არქიტექტურა, ასევე ახალი შესაძლებლობები.
ჩვენ ყველა ძალისხმევას მივმართავთ, რომ ომი რაც შეიძლება სწრაფად დავასრულოთ უკრაინის სამართლიანი პირობებით და უზრუნველვყოთ გრძელვადიანი მშვიდობა“, - განაცხადა ზელენსკიმ.
ზელენსკი გერმანიასა და საფრანგეთში მოლაპარაკებებს გამართავს კანცლერ ოლაფ შოლცთან და საფრანგეთის პრეზიდენტ ემანუელ მაკრონთან.
17 თებერვალს, ზელენსკი ისაუბრებს სიტყვით გამოვა უსაფრთხოების კონფერენციაზე და ასევე გამართავს რიგ ორმხრივ შეხვედრებს მის ფარგლებში.
ელისეის სასახლის განცხადებით, ზელენსკის ვიზიტის დროს პარიზში გაფორმდება შეთანხმება უკრაინასა და საფრანგეთს შორის „უსაფრთხოების გარანტიების შესახებ“.
