რუსეთი ხელახალ შეიარაღებას ახორციელებს იმაზე სწრაფად, ვიდრე მოსალოდნელი იყო და შესაძლოა, სამი-ხუთი წლის განმავლობაში ნატო-ს ქვეყანას თავს დაესხას.
ამის შესახებ განაცხადა დანიის თავდაცვის მინისტრმა ტროელს პოულსენმა. იუწყება Reuters.
„რუსეთის პოტენციალი სამხედრო ტექნიკის წარმოებაში ძალიან გაიზარდა“, - განაცხადა პოულსენმა.
მან ხაზი გაუსვა, რომ დანიამ უნდა დააჩქაროს სამხედრო ინვესტიციები.
"არ არის გამორიცხული, რომ რუსეთმა სამიდან ხუთ წელიწადში გამოსცადოს მე-5 მუხლის სიძლიერე და ნატო-ს სოლიდარობა", - განაცხადა დანიის თავდაცვის მინსიტრმა.
პოულსენმა აღნიშნა, რომ დანიისთვის პირდაპირი საფრთხე არ არსებობს, მაგრამ ალიანსი, შესაძლოა, ჰიბრიდული თავდასხმების წინაშე აღმოჩნდეს, რომელიც მიმართული იქნება ნატო-ს წევრი ქვეყნის დესტაბილიზაციისკენ.
”რუსეთს პოტენციურად აქვს ამის გაკეთების სურვილი. მათ ახლა ასევე შეუძლიათ სამხედრო შესაძლებლობების მოპოვება იმაზე ადრე, ვიდრე ჩვენ ველოდით. არსებობს რეალური შეშფოთების საფუძველი,” - თქვა დანიის თავდაცვის მინისტრმა.
