რუსეთში, უდმურტიის რეგიონში ძლიერი აფეთქება მოხდა ქარხანაში, რომელიც სამხედრო აღჭურვილობას აწარმოებს.
მედიის ცნობით, აფეთქება მოხდა ქალაქ იჟევსკთან მდებარე ქარხანაში, რომელიც სამოქალაქო და სამხედრო დანიშნულებისაა.
აფეთქების შედეგად ძლიერი ხანძარი გაჩნდა. რუსული მედია წერს, რომ აფეთქება მოხდა რაკეტების ძრავის გეგმიური გამოცდის დროს.
ქარხანა მდებარეობს უდმურტიის დედაქალაქ იჟევსკიდან 50 კილომეტრში. სამოქალაქო პროდუქციის წარმოების გარდა, ის აწარმოებს საარტილერიო რაკეტებს, მათ შორის სტრატეგიულ ბალისტიკურ რაკეტებს „ტოპოლ-მ“-სა და „ისკანდერის“ ტიპის კომპლექსებისთვის. ამასთან, ქარხანას აქვს გამოსაცდელი პოლიგონიც.
