დიდი ბრიტანეთის ყოფილი პრემიერ-მინისტრის უინსტონ ჩერჩილის კბილის პროთეზი, ოქროს სამაგრით აუქციონზე 22 600 დოლარად გაიყიდა. იუწყება Sky News
The Cotswold Auction Company-ის აუქციონზე ლოტი თავდაპირველად 10 ათას დლარად იყო შეფასებული. მყიდველის ვინაობა არ სახელდება.
უინსტონ ჩერჩილს თავისი სიცოცხლის უმეტეს პერიოდში კბილებთან დაკავშირებული პრობლემები აწუხებდა. მან რამდენიმე კბილი 20 წლის ასაკში დაკარგა. როგორც იუწყებიან, ჩერჩილისთვის სულ ოთხი პროთეზი დამზადდა.
აქუციონზე გამოტანილი პროთეზი მაშინ დაამზადეს, როდესაც ჩერჩილი 65 წლის იყო.
აუქციონის სახლის დირექტორის ლიზ ლულის თქმით, ეს იყო ყველაზე უცნაური ლოტი, რომელიც აუქციონზე ოდესმე გამოფენილა. პროთეზის გარდა აქუციონზე ასევე გამოტანილი იყო რადიომიკროფონი, რომლის დახმარებითაც ჩერჩილმა მეორე მსოფლიო ომის დასრულება გამოაცხადა. ლოტი 14 500 დოალრად გაიყიდა.
