ირანის საზღვაო ძალების მეთაურმა კონტრადმირალმა შაჰრამ ირანმა განაცხადა, რომ ირანი, რუსეთი და ჩინეთი ერთობლივ სამხედრო-საზღვაო წვრთნებს გამართვენ.
ირანული სააგენტო Fars-ის ცნობით, ერთობლივი წვრთნები (ირანული კალენდრის მიხედვით) 19 მარტამდე გაიმართება.
კონტრადმირალის განცხადებით, წვრთნებში მონაწილეობის მისაღებად სხვა ქვეყნებიც მოიწვიეს, თუმცა არ დაუკონკრეტებია რომელ ქვეყნებზეა საუბარი და თანხმობა განაცხადეს თუ არა.
მისი თქმით, წვრთნები რეგიონული უსაფრთხოების უზრუნველსაყოფად და საერთო ინტერესების ხელშეწყობის მიზნით ჩატარდება.
ირანმა, რუსეთმა და ჩინეთმა ერთობლივი საზღვაო წვრთნები 2023 წელსაც გამართეს. წვრთნები 16-დან 17 მარტამდე არაბეთის ზღვაში გაიმართა.
