4 თებერვალს ამერიკელმა სენატორებმა გამოაქვეყნეს შეთანხმების ტექსტი, რომელიც მოიცავს მრავალმილიარდიან დახმარებას უკრაინისა და ისრაელისთვის, ასევე ამკაცრებს საიმიგრაიციო კანონებს.
ამ თემების ირგვლივ გასული წლის შემოდგომიდან ცდილობს კონგრესი შეთანხმებას, რომელსაც მეტადრე რესპუბლიკელები აფერხებდნენ, რომლებიც უკრაინისთვის დახმარების გამოყოფის სანაცვლოდ მოითხოვნენ აშშ-ის საიმიგრაციო კანონმდებლობის გამკაცრებას.
კომპრომისული შეთანხმების ტექსტის თანახმად, ფინანსური პაკეტი ჯაში 118 მილიარდ დოლარს აღემატება. 60 მილიარდი დოლარი გათვალისწინებულია უკრაინის დასახმარებლად, 14.1 მილიარდი ისრაელისთვის, 20.23 მილიარდი დოლარი კი აშშ-ის სამხრეთ საზღვრის უსაფრთხოების გასაძლიერებლად და საიმიგრაციო პოლიტიკის გასამკაცრებლად.
შეთანხმების პროექტს გამოეხმაურა აშშ-ის პრეზიდენტი ჯო ბაიდენი. მისი თქმით, დემოკრატი და რესპუბლიკელი სენატორები ორ თვეზე მეტი ხნის განმავლობაში მუშაობდნენ და დღე და ღამეს ასწორებდნენ.
ბაიდენის განცხადებით, უკრაინის მხარდაჭერა შეერთებული შტატების უსაფრთხოების ინტერესებში შედის.
შეთანხმებას მხარი დაუჭირა სენატის რესპუბლიკელთა უმცირესობის ლიდერმა მიჩ მაკკონელმა. მისი თქმით, შეთანხმება ყველა მხარისთვის მომგებიანია.
მანამდე, წარმომადგენელთა პალატის სპიკერმა რესპუბლიკელმა მაიკ ჯონსონმა განაცხადა, რომ ეს შეთანხმება "მკვრადშობილად" შეიძლება ჩაითვალოს. კანონპროექტის წინააღმდეგ გამოვიდა კიდევ ერთი ცნობილი რესპუბლიკელი, ყოფილი პრეზიდენტი დონალდ ტრამპი.
მოსალოდნელია, რომ შეთანხმების ტექსტს სენატკი კენჭს უყრის ოთხშაბათს. კანონპროექტს ასევე მხარი უნდა დაუჭიროს კონგრესის წარმომადგენელთა პალატამაც, რომელსაც რესპუბლიკელები აკონტორელებენ. ვარაუდობენ, რომ წარმომადგენელთა პალატაში კანონპროექტს წინააღმდეგობა შეხვდება.
