კიევის მერი ვიტალი კლიჩკო უკრაინის შეიარაღებული ძალების მთავრასარდლის ვალერი ზალუჟნის შესაძლო გადაყენებას ეხმიანება და ამბობს, რომ საზოგადოება არ არის დარწმუნებლი, რომ სამხედრო ხელმძღვანელობის ცვლილება დადებით შედეგებს მოიტანს.
"ზალუჟნის დამსახურებაა, რომ უკრაინელებმა ირწმუნეს ჩვენი შეიარაღებული ძალების, რომლებიც დღეს ყველაზე დიდი ნდობით სარგებლობენ. როგორც მეომარმა, გენერალმა ვალერი ზალუჟნიმ ომში ბევრი რთული მომენტი გამოიარა. მხოლოდ მან იცის რეალურად რამდენი..., - თქვა კლიჩკომ"
მისი თქმით, მთავარსარდლის გადადგომის საკითხში „პოლიტიკამ შეიძლება გადაწონოს საღი აზრი და სახელმწიფოს ინტერესები“.
კლიჩკომ იმედი გამოთქვა, რომ ხელისუფლებას ესმის მათ მიერ დაგეგმილი ნაბიჯების სერიოზულობა და ამაზე პასუხისმგებლობა.
„იმიტომ, რომ დღეს, როცა უკრაინა ფაქტობრივად იბრძვის თავისი არსებობისთვის, მთავარია ჯარის ბრძოლისუნარიანობა და თანმიმდევრულობა, ასევე საზოგადოების ერთიანობა. მინიშნებებით დაანონსებული ცვლილებები ამისკენ არის მიმართული? საზოგადოება არ არის დარწმუნებული. და ეს უნდა იყოს გათვალისიწნებული. საბოლოოდ შეწყვიტეთ პოლიტიკური ინტრიგები და შიდა ბრძოლები“, - განაცხადა კლიჩკომ.
ამასთან, კლიჩკომ აღნიშნა, რომ ერთადერთი, რისთვისაც დღეს ბრძოლაა საჭირო, არის უკრაინის გამარჯვება რუსული აგრესიის წინააღმდეგ ომში.
უკრაინის პრეზიდენტმა ვოლოდიმირ ზელენსკიმ დაადასტურა, რომ განიხილავს შეიარაღებული ძალების მთავარსარდლის პოსტიდან ვალერი ზალუჟნის გათავისუფლების საკითხს. როგორც უკრაინული მედიაწყაროებზე დაყრდნობით იუწყება, პრეზიდენტის ადმინსიტრაციაში ასევე განიხილება უკრაინის შეიარაღებული ძალების გენერალური შტაბის უფროსის სერგეი შაპტალას შეცვლის საკითხიც.
