რუსეთის საოკუპაციო ძალებმა ხერსონი დაბომბეს. დაიღუპა ოთხი და დაიჭრა ერთი ადამიანი.
ინფორმაციას ხერსონის საოლქო-სამხედრო ადმინისტრაციის ხელმძღვანელი ოლექსანდრ პროკუდინი ავრცელებს.
„რუსეთის საოკუპაციო არმიამ ხერსონი დროებით ოკუპირებული მარცხენა სანაპიროდან დაბომბა. მტრის მიერ გაშვებული ჭურვების შედეგად ქალაქის ცენტრში ხანძარი გაჩნდა. მაშველებმა ადგილზე ორი ცხედარი იპოვეს“, - თქვა პროკუდინმა.
მიგვიანებით მან დააზუსტა, რომ ქალაქის ცენტრში ოკუპანტების ჭურვები მოხვდა მსუბუქ ავტომობილს, რის შედეაგადაც მანქანას ცეცხლი გაუჩნდა. მაშველებმა ავტომობილის სალონში ორი ცხედარი იპოვეს.
მისივე თქმით, დაიჭრა 24 წლის ახალგაზრდა.
ასევე მოგვიანებით პროკუდინმა განაცხადა, რომ მტრის საარტილერიო დარტყმის შედეგად კიდვ ერთი ადმიანი დაიღუპა. ასევე ხერსონის სმხედრო-საქალაქო ადმინისტრაციის ხელმძღვანელის რომან მროჩკოს ცნობით, დაღუპულია კიდევ ერთი მშვიდობიანი მოქალაქე.
