აშშ-ის პრეზიდენტი ჯო ბაიდენი სამხრეთ კაროლინას პრაიმერიზში იმარჯვებს. იუწყება The Associated Press
გამოცემა აღნიშნავს, რომ წარმატებისკენ სწრაფვამ გააცოცხლა მისი 2020 წლის კამპანია და ახლა მას პირველი ოფიციალური გამარჯვება მოუტანა მეორე საპრეზიდენტო ვადით ბრძოლაში.
წინასწარი კენჭისყრის შედეგების ანალიზის თანახმად, ბაიდენი დამაჯერებლად ლიდერობს შტატის მასშტაბით.
რბოლის გამოცხადებიდან, ბაიდენი შტატის მასშტაბით ლიდერობდა ხმების დაახლოებით 97%-ით, რაც თითქმის ორჯერ მეტი იყო, ვიდრე მან მიიღო 2020 წლის პრაიმერიზში. რბოლის გამოცხადებიდან თითქმის ერთი საათის შემდეგ, ბაიდენის ხმების პროცენტი ფაქტობრივად უცვლელი დარჩა და დაახლოებით 97% შეადგინა.
მისი ერთადერთი მეტოქეები წლევანდელ კენჭისყრაზე, დეპუტატი დინ ფილიპსი მინესოტადან და წიგნის „თვითდახმარების“ ავტორი მარიან უილიამსონი იყვნენ, რომლებამც 2%-იანი ნიშნული ვერ გადალახეს.
პრეზიდენტმა ოთხი წლის წინ პრაიმერიზში 46-ვე ოლქი მოიგო და, პირველადი მონაცემებით, ამ წარმატების გამეორების ყველა შანსი აქვს.
