ფინეთის პრემიერ-მინისტრ პეტერი ორპოს განცხადებით, უახლოეს მომავალში არ იგეგმება რუსეთთან საზღვარზე საკონტროლო-გამშვები პუნქტების გახსნა.
მანამდე ფინეთის ხელისუფლება აცხადებდა, რომ პუნქტები 11 თებერვლამდე იქნებოდა დახურული.
"ცნობილია, რომ აღმოსავლეთის საზღვრის მიღმა არიან ადამიანები, რომელთა მიზანია ფინეთში არალეგალურად ჩასვლა. გასაგები უნდა იყოს, რომ საკონტროლო-გამშვებ პუნქტებს ვერ გავხსნით", - თქვა ორპომ ფინეთი საზოგადოებრივი მაუწყებლის ეთერში.
პრემიერ-მინისტრმა აღნიშნა, რომ ათასობით ადამიანს სურს რუსეთიდან ფინეთში შეღწევა. მისი თქმით, საზღვრის გახსნამდე ხელისუფლებამ უნდა შეიმუშაოს არალეგალური მიგრაციის აღკვეთის ზომები.
ფინეთის ხელისუფლებამ რუსეთთან საზღვარზე საკონტროლო-გამშვები პუნქტები გასული წლის ნოემბრის შუა რიცხვებში დეკემბრის ბოლომდე დახურა. 11 იანვარს გამოცხადდა, რომ ეს გადაწყვეტილება 11 თებერვლამდე გახანგრძლივდა. ჰელსინკი ამ ზომებს რუსეთიდან არალეგალური მიგრაციის მასშტაბური ტალღით ხსნის.
