უკრაინის პრეზიდენტი ვოლოდიმირ ზელენსკი საბერძნეთის დედაქალაქ ათენში ევროკომისიის პრეზიდენტს ურსულა ფონ დერ ლაიენს შეხვდა.
„გავმართე შეხვედრა ევროკომისიის პრეზიდენტთან ურსულა ფონ დერ ლაიენთან და მადლობა გადავუხადე უკრაინული სასურსათო ექსპორტისა და ტრანზიტის ნორმალიზაციისათვის გაწეული ძალისხმევისთვის. მნიშვნელოვანია, რომ ის სრულად აღდგეს 15 სექტემბრიდან“, - წერს ზელენსკი.
ზელენსკიმ ასევე აღნიშნა, რომ მოელის უკრაინის პროგრესის დადებით შეფასებას ევროკავშირის გაფართოების ფარგლებში და ევროკავშირის წევრი ქვეყნების მხრიდნ ევროკავშირში უკრაინის გაწევრიანებასთან დაკავშირებით 2023 წლის ბოლომდე მოლაპარაკების დაწყების შესახებ გადაწყვეტილებას.
ამის გარდა, ზელენსკის თქმით, მხარეებმა შეათანხმეს მშვიდობის ფორმულასთან დაკავშირებული პოზიციები.
