გლდანში მდებარე საქართველოს ბანკის ფილიალზე თავდასხმა მოხდა. არსებული ინფორმაციით, თავდამსხმელებმა მძევალი აიყვანეს და ადგილიდან მიიმალნენ. თვითმხილველების ინფორმაციით, სამმა ნიღბიანმა ტერიტორია ორმხრივი სროლისას მას შემდეგ დატოვა, რაც მათ გოგონა მანქანაში ჩაისვეს.
შინაგან საქმეთა სამინისტროში ამ საკითხზე კომენტარი ჯერ არ კეთდება. უწყებაში მხოლოდ იმას განმარტავენ, რომ სროლის შედეგად არავინ დაშავებულა.
სროლის შედეგად ცეცხლსასროლი იარაღიდან რამდენიმე ტყვია დაცვის პოლიციის ავტომობილს მოხვდა. ადგილზე საგამოძიებო მოქმედებები მიმდინარეობს.