დღეს, გორში ბეტონის კოჭების მწარმოებელი ქარხანა გაიხსნა. საწარმო ევრო-სტანდარტების შესაბამის რკინა-ბეტონის კოჭებს ამზადებს, რომლებიც საავტომობილო ხიდების მშენებლობის დროს გამოიყენება.
ახალი საწარმო დღეს, რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა და შიდა ქართლში პრეზიდენტის რწმუნებულმა ზურაბ არსოშვილმა გახსნეს.
ქარხანას ამ ეტაპზე შეუძლია დღე-ღამის განმავლობაში ოთხი 60 მეტრიანი კოჭის წარმოება. გასულ წლებში მსგავსი კოჭების შემოტანა თურქეთიდან ხდებოდა. მოთხოვნის ზრდიდან გამომდინარე, მიმდინარე წელს, საქართველოში ბეტონის კოჭების დამამზადებელი მესამე ქარხაბა გაიხსნა. საწარმოში ამჟამად 70 ადამიანია დასაქმებული, რომელთა უმრავლესობა ადგილობრივი მოსახლეა.
