დიდი ოდენობით ნარკოტიკების საქართველოში შემოტანის საქმეზე გიორგი გიორგანაშვილი თბილისის საქალაქო სასამართლომ უდანაშაულოდ ცნო.
მოსამართლის გადაწყვეტილებით, გიორგი გიორგანაშვილი ცნობილია უდანაშაულოდ და გამართლდა, ირაკლი ქორიძე კი დამნაშავედ არის ცნობილი და განესაზღვრა თავისუფლების აღკვეთა 15 წლის ვადით.
ცნობისთვის, მსახიობ გიორგი გიორგანაშვილსა და ირაკლი ქორიძეს ბრალად ედებოდათ დიდი ოდენობით ნარკოტიკული საშუალებების უკანონოდ შეძენა-შენახვა და ორგანიზებული ჯგუფის მიერ საქართველოში უკანონოდ შემოტანა.
მსახიობი გიორგი გიორგანაშვილი უკვე მსჯავრდებულია სისხლის სამართლის სხვა საქმეზე, სადაც მას ნარკოტიკული საშუალებების შეძენაზე რვა წლით თავისუფლების აღკვეთა აქვს მისჯილი. შესაბამისად, სასამართლოს დღევანდელი გადაწყვეტილების მიუხედავად, ის საპატიმროს არ დატოვებს.
გიორგი გიორგანაშვილი არც პირველ საქმეზე და დიდი ოდენობით ნარკოტიკების საქართველოში შემოტანის საქმეზე ბრალს არც ერთ ეტაპზე არ აღიარებდა.
