მე ჩავალ ქუთაისში, ვეცდები, პარლამენტში მოვხვდე და პირადად მოვუსმინო იმ კითხვებზე პასუხებს, რა კითხვებიც დაისმება და რა პასუხებსაც გასცემს, - ამის შესახებ ხორავას ქუჩაზე მოკლული დავით სარალიძის მამა, ზაზა სარალიძემ „ევროპული საქართველოს“ წევრ სერგი კაპანაძესთან შეხვედრის შემდეგ განცხადა.
როგორც სარალიძემ აღნიშნა, მისი შვილის მკვლელობის საქმე უნდა გაიხსნას და არსებულ კითხვებს პასუხი უნდა გაეცეს.
„მე პირადად ბევრი კითხვა მაქვს ბატონ გახარიასთან და უფრო მეტი კითხვა მაქვს ბატონ თადუმაძესთან, რომელთანაც გაგზავნილი მაქვს ღია შეტყობინება, რომ მსურს მასთან შეხვედრა, მაგრამ ფაქტია, გვემალება და არ გვეხმაურება“, – განაცხადა სარალიძემ.
ცნობისთვის, შინაგან საქმეთა მინისტრი გიორგი გახარია საქართველოს პარლამენტში ხვალ მივა.
