უკრაინის ნაციონალისტური პარტიის "სვობოდას" ლიდერი ოლეგ ტიაგნიბოკი აცხადებს, რომ უკრაინას ახლა მესამე რევოლუცია ელოდება _ ნაციონალური და სოციალური, რომლის მსვლელობისას უკრაინელები აღგვიან პრომოსკოვურ ადმინისტრაციას, რომელიც ქვეყნის ხელისუფლების სათავეში დროებით მოვიდა. მისივე თქმით, ეს სხვა რევოლუცია იქნება, განსხვავებული იმათგან, რომლებიც უკრაინაში 1991 და 2004 წელს მოხდა. ეს განცხადებები ოლეგ ტიაგნიბოკმა დღეს კიევში გააკეთა.
"დღეს საბოლოოდ გაიფანტა ილუზიები იმასთან დაკავშირებით, რომ ხელისუფლებას რაიმე სარგებლის მოტანა მაინც შეუძლია სახელმწიფოსათვის. ჩვენ ასევე დავიმახსოვრებთ, თუ როგორი მაქციების _ პარტიების: იულია ტომოშენკოს ბლოკის წევრებისა და ნაშა უკრაინა - ნაროდნაია სამოობორონას ხელში იყო ქვეყანა, როდესაც ეს გადაწყვეტილება იქნა მიღებული. ჩვენ გამოგვიწვიეს. ამიერიდან უკრაინის ბედი გადაწყდება არა პრეზიდენტის ადმინისტრაციაში, მინისტრთა კაბინეტში ან უმაღლეს რადაში არამედ უკომპრომისო ბრძოლაში. ეს ჩვენი მიწაა, რომელიც ჩვენმა წინაპრებმა სისხლის ფასად შემოგვინახეს და ჩვენ ჩვენის მხრივ ეს მიწა ჩვენს შვილებს უნდა შევუნახოთ. ყველა როგორც ერთი უკრაინელები ახლა უნდა აღდგნენ ვიქტორ იანუკოვიჩის საოკუპაციო რეჟიმის წინააღმდეგ", _ განაცხადა ოლეგ ტიაგნიბოკი.
