ყირგიზეთის რესპუბლიკის შინაგან საქმეთა მინისტრის მოლდომუსა კონგატიევის გარდაცვალება დადასტურდა. ამის შესახებ "ჯი-ეიჩ-ენს" ყაზახეთისა და ყირგიზეთის რესპუბლიკებში საქართველოს კონსულმა ანდრო კაჭკაჭიშვილმა გაუცხადა.
"ყირგიზეთის შინაგან საქმეთა მინისტრის გარდაცვალების შესახებ ინფორმაცია დადასტურდა, ეს წყაროებმა გუშინაც და დღესაც დაგვიდასტურეს", - აღნიშნა კაჭკაჭიშვილმა.
შეგახსენებთ, რომ გუშინ რუსულმა მედიამ გაავრცელა ინფორმაცია, რომ ყირგიზეთის შს მინისტრი მოლდომუსა კონგატიევი, რომელიც მძევლად იყო აყვანილი მიღებული ჭრილობებისაგან გარდაიცვალა. თუმცა მოგვიანებით, აღნიშნული ინფორმაცია შსს პრესსამსახურმაუარყო.
ბიშკეკში მომხდარი არეულობის შედეგად გარდაცვლილთა რაოდენობამ 68-ს და დაშავებულთა რაოდენობამ 500-ს ადამიანს გადააჭარბა. ქვეყანას ამ დროისთვის საგარეო საქმეთა ექს-მინისტრის როზა ოტუნბაევას ხელმძღვანელობით ეროვნული თანხმობის მთავრობა მართავს. მინისტრთა კაბინეტი კი სრული შემადგენლობით გადაგა.
გავრცელებული ინფორმაციით, ოპოზიციის მხარეს პოლიციაც გადავიდა. ამ დროისთვის ყირგიზეთის საზღვრები მეზობელ სახელმწიფოებთან ჩაკეტილია. ოპოზიციამ კონტროლი დედაქალაქთან მდებარე საერთაშორისო აეროპორტზეც დაამყარა. მომიტინგეებმა დარბიეს მთავრობის სახლი, პარლამენტი და სხვა სახელმწიფო დაწესებულების. გაძარცულია ეროვნული მუზეუმი. გახშირდა მარადიორობის ფაქტებიც.
