ფინანსთა მინისტრი კახა ბაინდურაშვილი სამეგრელო-ზემო სვანეთის რაიონების გამგებლებს შეხვდა.
ბაინდურაშვილმა ბიუჯეტისა და დაგეგმილი პროექტების განხორციელების მიმდინარეობის შესახებ ადგილობრივი მუნიციპალიტებების ხელმძღვანელებისგან დეტალური ინფორმაცია მიიღო.
ფინანსთა მინისტრის შეფასებით, როგორც სამეგრელოს რეგიონში, ისე მთელ საქართველოში ბოლო პერიოდში ეკონომიკური აქტივობები გაიზარდა.
"ეკონომიკური აქტივობები გაზრდილია. იმედია, წელს პოზიტიურად დავასრულებთ... სამეგრელოს რაიონში რამდენიმე მსხვილი პროგრამა ხორციელდება, მათ შორის ანაკლია-განმუხურის სანაპირო ზოლის განვითარების და ტურისტული ინფრასტრუქტურის მოწყობის შესახებ. მსხვილი პროექტების განხორციელებაა დაწყებული მესტიაშიც", - განუცხადა ბაინდურაშვილმა ჟურნალისტებს.
