ავღანეთში ავიაკომპანია Ariana Afghan Airlines-ის თვითმფრინავმა კატასტროფა განიცადა. იტყობინება ავღანური ტელეკომპანია 1tv.af-ი ადგილობრივ ხელისუფლებაზე დაყრდნობით.
კიდევ ერთი გამოცემა Ariana News-ი იუწყება, რომ თვითმფრინავის ბორტზე 83 ადამიანი იმყოფებოდა.
როგორც იუწყებიან, შემთხვევა ავღანეთის ცენტრალურ ნაწილში, ღაზნის პროვინციაში მოხდა.
Tolo News-ის ცნობით, აღნიშნული ტერიტორია დაჯგუფება "თალიბანის" მიერ კონტროლდება.
სხვა ინფორმაცია, მათ შორის დაღუპულთა ან გადარჩენილთა შესახებ, ჯერჯერობით არ ვრცელდება.