2010 წლის ექვს თვეში, დღგ-ს ბრუნვა 26 %-ით გაიზარდა, ამის შესახებ განცხადება საქართველოს პრემიერ-მინისტრმა ნიკა გილაურმა მთავრობის სხდომაზე გააკეთა.
"მშპ-ს მაჩვენებელის დაანგარიშებისას მნიშვნელოვანი ფაქტორი მაინც დღგ-ს ბრუნვებია, რაც ასევე საგრძნობლადაა გაზრდილი. პირველ კვარტალში დღგ-ს ბრუნვა 19 % ითაა გაზრდილი, მეორე კვარტალში კი - 38 %-ით. სულ ექვსი თვის მონაცემებით ზრდა 26 % ს შეადგენს"- განაცხადა გილაურმა.
პრემიერ-მნისტრის განცხადებით, პირველ კვარტალში მშპ-ს ზრდამ 4,5 %-ი შეადგინა, ხოლო მერე კვარტალში 7 %-დან 7.5 %-მდე.
შესაბამისად ექვსი თვის მონაცემებით ზრდა დაახლოებით 5,5 %-იდან 6 %-მდე იქნება. თუმცა საბოლოო და დაზუსტებულ მონაცემებს სტატისტიკის ეროვნული სამსახური სექტემბერში გამოაქვეყნებს.
მასალის გამოყენების პირობები