ბიზნესმენის შვილის გატაცება - საქმის ახალი გარემოებები გახდა ცნობილი. ირკვევა, რომ ამ დრომდე კიდევ ეძებს დანაშაულებრივი დაჯგუფების არაერთ წევრს.
რუსთავი 2-ის ინფორმაციით, დღევანდელ პროცესზე პროკურორმა დაადასტურა, რომ დანაშაულებრივი დაჯგუფების წევრთა ნაწილმა მოასწრო გაქცევა და სავარაუდოდ, საქართველოს ოკუპირებულ ტერიტორიებზე არიან გადასულები.
პროკურორმა დაადასტურა ისიც, რომ ბიზნესმენის შვილის გატაცების სქემაში ჩართული იყვნენ აფხაზი კრიმინალური ავტორიტეტები და ასევე, ბიზნესმენ ამირან დეკანოიძეს შვილის გათავისუფლების მიზნით 3 მილიონ ლარს სწორედ ოკუპირებული ტერიტორიიდან სთხოვდნენ.
