ბოსტონის ბავშვთა ჰოსპიტალის ექიმებმა დაადგინეს, რომ მოზარდი და ახალგაზრდა მამაკაცები, რომლებიც შეშფოთებული არიან საკუთარი ფიზიკური აღნაგობით, დიდი ალბათობით იწყებენ წონაში მატებას, იღებენ ნარკოტიკს და ალკოჰოლს, ასევე მაღალი დონით ავლენენ დეპრესიულ სიმპტომებს, მათთან შედარებით, ვინც ნაკლებ ყურადღებას აქცევს საკუთარ ფიგურას.
კვლევის შედეგები გამოქვეყნებულია ჟურნალ JAMA Pediatrics.
დოქტორ ელისონ ფილდის მიერ ჩატარბული ფართომასშტაბიანი კვლევების დროს (1999-2010 წლები) გამოიკითხა 12 დან 18 წლის ასაკამდე 5527 მოზარდი ბიჭი და ახალგაზრდა მამაკაცი.
პირადი მონაცემების დამუშავების შედეგად გაირკვა, რომ მოზარდი და ახალგაზრდა მამაკაცები, რომლებიც დაინტერესებული არიან ჰქონდეთ მაგარი კუნთები მაგრამ არ აღენიშნებოდათ კვებითი დარღვევები (ბულიმია) გამოკითხულთა 9.2%-ს შეადგენდა.
რესპოდენტთა 2.4% -მა შეშფოთება გამოთქვა საკუთარ გარეგნობაზე და აღიარა სასურველი შედეგების მისაღწევად სტეროიდის გამოყენება. გამოკითხულთა 2,5% შეშფოთებულია საკუთარი სიმსუქნით, მაგრამ ამასთან არ ავლენდნენ ბულიმიის ნიშნებს.
კვლევების თანახმად, ახალგაზრდა მამაკაცები რომლებიც შეშფოთებული არიან საკუთარი გარეგნობით, სისრულით, კუნთებით, თავის თანატოლებთან შედარებით თითქმის სამჯერ მეტად ვარდებიან დეპრესიაში და სავარაუდოდ ორჯერ მეტად მოიხმარენ ალკოჰოლს და ნარკოტიკს.
მკვლევარები ასკვნიან , რომ მოზარდი ბიჭები და ახალგაზრდა მამაკაცები, რომლებიც შეშფოთებული არიან საკუთარი გარეგნობით, იმყოფებიან ნარკოტიკებისა და ალკოჰოლის მოხმარების გაზრდილი რისკის ჯგუფში.
