12:00 საათის მონაცემებით, საპრეზიდენტო არჩევნებში მონაწილეობა ამომრჩეველთა საერთო რაოდენობის 17.15%-მა მიიღო, რაც 606 710 მოქალაქეს შეადგენს.
ცენტრალური საარჩევნო კომისიის ინფორმაციით, საარჩევნო უბნებზე ამომრჩეველთა მისვლის ინტენსივობით თბილისი, რაჭა-ლეჩხუმის და გურიის რეგიონები გამოირჩევიან.
არსებული ინფორმაციით, ქვეყნის მასშტაბით საარჩევნო პროცესი მშვიდ ვითარებაში, განსაკუთრებული ექსცესების გარეშე მიმდინარეობს.