უკრაინას სურს, რომ საქართველო დსთ-ში იხილოს. უკრაინული მედიის ინფორმაციით, უკრაინა მხარს უჭერს, რომ საქართველო დსთ-ს სივრცეში დაბრუნდეს, რომელიც ქვეყანამ საკუთარი სურვილით 2009 წელს დატოვა. ის, რომ უკრაინა მომხრეა საქართველო დსთ-ში დაბრუნდეს, შესაბამისი განცხადება, დსთ-ს სამიტის დასრულების შემდეგ, უკრაინის პრეზიდენტმა ვიქტორ იანუკოვიჩმა გააკეთა.
„მე აბსოლიტურად თანახმა ვარ და ალექსანდრე ლუკაშენკოს განცხადებას მივესალმები. მინდა შევახსენო ჩვენს ქართველ ძმებს, რომ დსთ-ს კარი მათთვის ყოველთვის ღიაა"- აღნიშნა იანუკოვიჩმა.
მისივე განმარტებით, ქართველი პოლიტიკოსების ნაწილისგან შესაძლოა მოვისმინოთ, რომ დსთ-ს დატოვება უგუნური საქციელი იყო და საქართველო ეკონომიკურ კრიზისთან ბრძოლაში მოვლენების მიღმა აღმოჩნდა.
აღსანიშნავია, რომ დღეს ბელორუსის პრეზიდენტმა განცხადება გააკეთა და აღნიშნა, რომ მას სურს საქართველო დსთ-ში იხილოს
შეგახსენებთ, რომ საქართველომ დსთ-ს შემადგენლობა ოფიციალურად 2009 წელს დატოვა. აღნიშნული გადაწყვეტილება ქვეყანამ 2008 წლის აგვისტოში განვითარებული მოვლენების შემდგომ მიიღო. საქართველომ ერთწლიანი ფორმალური პროცედურის შემდეგ დსთ-ს სივრცე 2009 წლის 18 აგვისტოს საბოლოოდ დატოვა. აღსანიშნავია, რომ საქართველო იყო უკანასკნელი ქვეყანა, რომელმაც 1993 წლის დეკემბერში გადაწყვიტა შეერთებოდა დსთ-ს და პირველი, რომელმაც დატოვა ორგანიზაცია, რომელშიც ამჟამად 11 ყოფილი საბჭოთა ქვეყანა რჩება.