ევროპულ და ევროატლანტიკურ საკითხებში სახელმწიფო მინისტრის ალექსი პეტრიაშვილის განცხადებით, 27 ოტქომბრის საპრეზიდენტო არჩევნებისთვის ქვეყანაში საერთაშორისო დამკვირვებლების და ჟურნალისტების მთელი არმიაა ჩამოსული.
პეტრიაშვილის თქმით, სწორედ წინასაარჩევნო პერიოდთან დაკავშირებულ საკითხებზე და მომავალი პრეზიდენტის ინაუგურაციის ცერემონიალის საორგანიზაციო დეტალებზე იყო საუბარი კოალიცია "ქართული ოცნების" პოლისტსაბჭოს დღევანდელ სხდომაზე.
"27 ოტქომბრის არჩევნებისთვის საერთაშორისო დამკვირვებლების და ჟურნალისტების მთელი არმიაა ჩამოსული, შესაბამისად ამაზე იყო მსჯელობა, რომ ეს პროცესი ყველაფერი იყოს მზად და მშვიდად ჩაიაროს თვითონ არჩევნებმა. ისე, როგორც არის დღესდღეობით შეფასებები,"- განაცხადა ალექსი პეტრიაშვილმა.
ცნობისთვის, კოალიცია "ქართული ოცნების" ცენტრალურ ოფისში მმართველი პარტიის პოლიტსაბჭოს სხდომა რამდენიმე საათის განმავლობაში მიმდინარეობდა და მას საქართველოს პრემიერ-მინისტრი ბიძინა ივანიშვილი და პარლამენტის თავმჯდომარე დავით უსუფაშვილი ესწრებოდნენ.
