საქართველოს პრეზიდენტის მიხეილ სააკაშვილის გადაწყვეტილებით, ნასამართლეობა და პირობითი მსჯავრი დამატებით 5 000-მდე ადამიანს მოეხსნება.
როგორც პრეზიდენტის ადმინისტრაციის ხელმძღვანელმა ანდრო ბარნოვმა დღეს გამართულ ბრიფინგზე აღნიშნა, პრეზიდენტის მიერ ხელმოწერილი განკარგულებიდან ინდივიდუალური ამონაწერების გაცემას საქართველოს პრეზიდენტის ადმინისტრაცია ორშაბათს 10:00 საათიდან დაიწყებს.
"როგორც გახსოვთ, 19 აგვისტოს გააკეთა პირველად პრეზიდენტმა განცხადება, რომ ნასამართლეობის მქონე პირებს მოეხსნებოდათ მსჯავრი და დღემდე ამ ინიციატივას 23 000-მდე ადამიანი გამოეხმაურა. გახსოვთ, რომ 2 ოქტომბერს გავაკეთეთ ჩვენ განცხადება და პირველი აქტი 2 ოქტომბერს გამოიცა და მას შემდეგ დამატებით კიდევ 5 000-მდე ადამიანი გამოეხმაურა ამ ინიციატივას. დღეს ხელი მოეწერა მეორე აქტს ამ დამატებით ადამიანებთან და დღესვე უკვე იგზავნება ეს აქტი შესაბამის სტურქურებთან, რომ პროცესი იგივენაირად გაგრძელდეს. ინდივიდუალური ამონაწერების გაცემას ჩვენ ასევე გავაგრძელებთ, ამას გავაკეთებთ ორშაბათიდან და პარალელურად გავაკეთებთ და გავაგრძელებთ ახალი განცხადებების მიღებას შეწყალებაზე და ეს პროცესი გაგრძელდება პარალელურად,"- განაცხადა ანდრო ბარნოვმა.
