აზერბაიჯანელ სტუდენტთა ასოციაციამ საქართველოს პრეზიდენტს მიხეილ სააკაშვილს მადლიერების სიგელი გადასცა.
სტუდენტებმა საქართელოს პრეზიდენტს ქართულ უმაღლეს სასწავლებლებში აზერბაიჯანელი ახალგაზრდების სწავლების ხელშეწყობისთვის გადაუხადეს მადლობა.
თავის მხრივ, მიხეილ სააკაშვილმა აღნიშნული პროგრამის განხორციელების მნიშვნელობაზე ისაუბრა და განაცხადა, რომ სასწავლო კურსში 1 500-ზე მეტმა ქართველმა აზერბაიჯანელმა მიიღო მონაწილეობა.
"ეს ჯილდო მართლა არის ერთ-ერთი ყველაზე დიდი სიამაყე, რაც მაქვს, იმიტომ რომ ჩვენ ყველამ ერთად გავაღვიძეთ ეს გრძნობა, რომ ქართველი აზერბაიჯანელი არის საქართველოს პატრიორტი. ეს ხდება განათლებით. ის, რომ ჩვენ აზერბაიჯანელი ქართველების საქართველოს საგანმანათლებლო სისტემაში ინტეგრირება მოვახერხეთ თავისი ყველა პრობლემებით, მათ შორის მატერიალურით, თუ მეტყვიან რა არის ჩემი პრეზიდენტობის მთავარი მიღწევა, პირველ სამეულში ამას შევიყვანდი,"- განაცხადა მიხეილ სააკაშვილმა.
მიხეილ სააკაშვილის და აზერბაიჯანელ სტუდენტთა ასოციაციის წარმოამდგენლების შეხვედრა პრეზიდენტის ავლაბრის რეზიდენციაში გაიმართა.
