კოალიცია "ქართული ოცნების" ცენტრალურ ოფისში მმართველი პარტიის პოლიტსაბჭოს სხდომა მიმდინარეობს.
არსებული ინფორმაციით, სხდომაზე, რომელსაც საქართველოს პრემიერ-მინისტრი ბიძინა ივანიშვილი და პარლამენტის თავმჯდომარე დავით უსუფაშვილიც ესწრებიან, ახალი პრემიერ-მინისტრის კანდიდატურის თაობაზე მსჯელობენ.
"არჩევნების დასრულების შემდეგ გახდება ცნობილი ახალი პრემიერის ვინაობა. მე ამ შემთხვევაში დაველოდები კოალიციის პოლიტიკური საბჭოს გადაწყვეტილებას და საბჭოს სხდომის დასრულების შემდეგაც დაველოდებით არჩევნების დასრულებას. ჩვენ კი არ ვუმალავთ საზოგადოებას რამე ინფორმაციას, არამედ კოალიციის პოლიტსაბჭოს ჯერ ეს საკითხი არ განუხილია არც ადამიანური და არც პოლიტიკური თვალსაზრისით. ჩვენი კანონმდებლობა კოალიციის ლიდერს ანიჭებს უპირატესობას დაასახელოს პრემიერობის კანდიდატი,"- განაცხადა ზაქარია ქუცნაშვილმა.
კოალიცია "ქართული ოცნების" ცენტრალურ ოფისში პოლიტსაბჭოს სხდომა უკვე 1 საათია მიმდინარეობს.