საქართველოს პრეზიდენტობის სახალხო კანდიდატი, ნესტან კირთაძე, დღეს, 25 ოქტომბერს სახალხო მოძრაობის ლიდერებთან ერთად საპრეზიდენტო საარჩევნო კამპანიას ზუგდიდში დაასრულებს.
თბილისიდან და საქართველოს სხვა და სხვა რეგიონებიდან ავტოკოლონებით ზუგდიდისაკენ დაიძრნენ სახალხო მოძრაობის ლიდერები, რათა ზუგდიდიდან მიმართონ სრულიად საქართველოს მოსახლეობას;
მუდმივი მშვიდობისა და ნათესავ ხალხობს შორის ნდობის აღდგენის გზავნილით მიმართონ აფხაზებსა და ოსებს.
„მოვდივარ ჩემი გუნდით, ახალგაზრდა ლიდერებით, მაშასადამე მოვდივართ საქართველოს მომავლისათვის.
მოვდივართ სახალხო მოძრაობა მშვიდობისა და ერთიანობის, ევროპული გზის, ინსტიტუციური დემოკრატიის, ეკონომიკური განვითარებისა და დასაქმების, ქართველი ხალხის, მრავალეთნიკური საქართველოს კეთილდღეობისათვის.
საპრეზიდენტო საარჩევნო კამპანია 25-28 მაისს დავიწყე ზუგდიდით და დღეს 25 ოქტომბერს ვასრულებ ზუგდიდით"_ განაცხად ნესტან კირთაძემ ზუგდიდში გამგზავრების წინ.
დღესვე, პრეზიდენტობის სახალხო კანდიდატი, ნესტან კირთაძე, თბილისში დაბრუნდება და ინგა გრიგოლიას საავტორო გადაცემაში მიმართავს ქართველ ხალხს და გამარჯვებას უსურვებს საქართველოს.