საქართველოს პრემიერ-მინისტრის ბიძინა ივანიშვილის შემცვლელად ეკონომიკის მინისტრის და ვიცე-პრემიერის გიორგი კვირიკაშვილის კანდიდატურა არ განიხილება.
როგორც ივანიშვილმა ტელეკომპანია "კავკასიას" ეთერში განაცხადა, გიორგი კვირიკაშვილი მომავალი პრემიერ-მინისტრის გუნდში ალბათ იგივე პოსტზე, ეკონომიკის დარგში მოადგილედ დარჩება.
"ეკონომიკის დარგში მოადგილედ ალბათ, დარჩება გიორგი კვირიკაშვილი, რომელიც არის ძალიან კარგი და პრემიერსაც ეცოდინება ეკონომიკა, მაგრამ უკვე გვყავს ძლიერი პიროვნება,"- განაცხადა ბიძინა ივანიშვილმა.
პრემიერ-მინისტრისვე განცხადებით, საქართველოს მთავრობაში ძალიან ბევრი კარგი მინისტრის მოადგილე მუშაობს და მან წუხული გამოთქვა, რომ სათანადო დრო არ აქვს მათ წინ წამოსაწევად.
"კვირიკაშვილს კარგი კარგი მოდგილე ყავს, ქუმსიშვილი. სულ მინდა ვიშოვო დრო, რომ მინისტრის მოადგილეები წამოვწიო წინ, რადგან ძალიან ბევრი კარგი მინისტრის მოადგილე გვყავს, რომლებიც თავდადებულად შრომობენ და ძალიან კარგი გუნდი შევქმენით, საოცარი გუნდი. მე ვიყავი ახლა ვიზიტებით ბალტიისპირეთის რესპუბლიკებში. იქ არიან ტიპიურად ყველაზე მაგარი ევროპელები და ჩამოყალიბებული, დაბალანსებული ხალხი. ლამის ისეთი გუნდი გვყავს ჩვენ და არანაკლები. ახლა რკინისჭამია უნდათ რომ იყოს, პრეზიდენტი უნდათ რაღაც, რკინას ჭაამს? კითხულობენ გიორგიზე. აბსოლუტურად დაბალანსებული, კრეატიული მენეჯერია, ყველაფერი აქვს ამ კაცს და სასწაულს ეძებენ,"- განაცხადა ბიძინა ივანიშვილმა.
