"ზოგჯერ მაქვს ხოლმე იმდეგაცრუება, რადგან საოცრება მოხდა მართლა, სხვისგან რომ ვერ ვხედავ, ისე გავთავხედდი, რომ საკუთარ თავზე ამდენს ვლაპარაკობ, აბსოლუტურად განსხვავებულ ხარისხში მოვედით,"- ამის შესახებ საქართველოს პრემიერ-მინისტრმა ბიძინა ივანიშვილმა ტელეკომპანია "კავკასიას" ეთერში ისაუბრა.
ივანიშვილის განცხადებით, 1 წლის წინანდელ ოქტომბერთან შედარებით, ქვეყანაში
აბსოლუტურად განსხვავებული სიტუაცია შეიქმნა.
"ხომ გახსოვთ რა ხდებოდა?! როგორ გადავალაგეთ, როგორ მოითმინა ხალხმა, როგორი კულტურული ხალხი ვართ. ამის იმედი მქონდა მე. ახლა ბევრს აგრესიაც აქვს ჩემზე როდესაც ვამბობ, რომ არ გვინდა ამდენი დაჭერები, არ შეიძლება, რომ მუდამ უკან ვიყუროთ, არ შეიძლება რომ მასიურად ციხეში გავუშვათ ხალხი და ასე შემდეგ. ძალიან ბევრს აგრესია ახრჩობს ობიექტურად, ცუდები კი არ არიან, მაგრამ ითმენენ და გაგებით ეკიდებიან. ისინიც კი ხვდებიან, რომ არ შეიძლება, რომ ჩვენ მუდამ უკან ვიყუროთ. ამის სანაცვლოდ ჩვენ მშენებლობაში და აღმშენებლობაში უნდა მივიღოთ მონაწილეობა და რაც შეიძლება მეტს უნდა ვაპატიოთ, რაც შეიძლება მეტი უნდა დავინდოთ, ისინი, ვინც დარღვევა გააკეთა, აბსოლუტური უმრავლესობა რამდნეიმე კაცის იდეოლოგიის და ძალადობის მსხვერპლნი არიან,"- განაცხადა ბიძინა ივანიშვილმა.
