ვილნიუსის სამიტის შემდეგ ქართული პროდუქცია რუსეთის ბაზარზე ისევ დაიბლოკოს. როგორც ,,ჯი-ეიჩ-ენთან" საუბარში ნუგზარ წიკლაურმა ბიძინა ივანიშვილის განცხადების საპასუხოდ განმარტა საქართველო თუ ევროპულ გზას გააგრძელებს, ცხადია, ეს რუსეთის გაღიზიანებს გამოიწვევს.
,,ორი კვირის წინ პარლამენტში პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე იმყოფებოდა და მას დავუსვით კითხვა, ევროპასთან მეტი ინტეგრაცია ხომ არ გამოიწვევდა რუსეთთან ურთიერთობის გაუარესებას და როგორი იქნებოდა იმ პროდუქციის ბედი, რომელიც რუსეთის ბაზარზე შეგვაქვს. აბაშიძემ საჯაროდ განაცხადა რომ იმ შემთხვევაში თუ ევროკავშირთან ასოცირების ხელშეკრულების პარაფირება მოხდება და საქართველო უფრო დაუკავშირდება ევროკავშირს ამ შემთხვევაში კითხვის ნიშნის ქვეშ დადგება ქართული პროდუქციის შეტანა არ შეტანის საკითხი რუსულ ბაზარზე. ამის შემდეგ ონიშენკომ განაცხადა რომ შესაძლოა ქართული ღვინოები რუსულ ბაზარზე ისევ ოკოს. რა თქმა უნდა, საქართველო თუ ნატოსკენ, ევროკავშირისკენ სწრაფვას გააგრძელებს და ამ საკითხისადმი პრინციპული დამოკიდებულება ექნება, ცხადია, რუსეთთან ურთიერთობები გაუარესდება. რაში გამოიხატება ამ ურთიერთობების გაუარესება კიდევ სხვა საკითხია, თუმცა პირველი იქნება პროდუქციის დაბლოკვა", -განაცხადა წიკლაურმა, რომელიც ,,ჯი-ეიჩ-ენი" შეკითხვას მოსალოდნელია თუ არა ვილნიუსის სამიტის შემდეგ ქართული პროდუქცია რუსეთის ბაზარზე ისევ დაიბლოკოს პასუხობს:
,,ზუსტად ვერ გეტყვით რა მოხდება, მაგრამ საქართველო თუ გააგრძელებ ევროპულ გზას და ეს რუსეთის გაღიზიანებს გამოიწვევს სრულიად ცხადია. საქართველოსა და რუსეთს შორის ფუნდამენტური საკითხია გაუცხოების, ეს ფუნდამენტური საკითხი კი გახლავთ ის რომ საქართველოს არჩევანია ჰქონდეს თავისუფალი ქვეყანა და თავად განსაზღვოს საგარეო პოლიტიკური ორიენტირები, ხოლო რუსეთის სურვილია საქართველო პოსტსაბჭოთა სივრცის შემადგენელი იყოს. ეს არის ორი შეუთავსებელი საკითხი", _განაცახადა ,,ჯი-ეიჩ-ენთან" საუბარში ნუგზარ წიკლაურმა.
შეგახსენებთ, რომ საქართველოს პრემიერ-მინისტრი ბიძინა ივანიშვილი მიიჩნევს რომ ევროკავშირთან ასოცირების ხელშეკრულების პარაფირება და შემდეგ ხელმოწერა რუსეთ-საქართველოს ურთიერთობას არ გაართულებს. როგორც პრემიერმა პოლონეთისა და შვედეთი საგარეო საქმეთა მინისტრებთან შეხვედრის შემდეგ განაცხადა ის რუსეთის ქმედებით გაოცებულია.