"სამოქალაქო მშვიდობის და განვითარების შერყევის საშუალება რავის უნდა მივცეთ,"- ამის შესახებ საქართველოს პრეზიდენტმა მიხეილ სააკაშვილმა მარნეულის მოსახლეობასთან შეხვედრისას ისაუბრა.
ქვეყნის პირველი პირის განცხადებით, საქართველოს მტერს სურს ქვეყანაში მუდმივად დაძაბული და კონფლიქტური მდგომარეობა იყოს, რადგან მტერი მხოლოდ მაშინაა ძლიერი, როდესაც საქართველოს მოსახლეობაში განხეთქილება და დაპირისპირებაა.
"ძალიან მნიშვნელოვანი ხალხი ცხოვრობს აქ, არავის არ უნდა მივცეთ საშუალება ხელის ფათურის და საქართველოს შიგნიდან შესუსტების. ჩვენს მტერს უნდა, რომ საქართველოში მუდმივად ერთმანეთს ვებრძოდეთ, მუდმივად ერთმანეთს ვჭამდეთ, საქართველოს აღება მას უნდა იმითი, რომ ქვეყნის შიგნით ერთმანეთი დავჭამოთ, ერთმანეთს დავერიოთ, ერთმანეთს ნიშანი მოვუგოთ, ერთმანეთს რაღაცის წართმევა მოვუნდომოთ, ერთმანეთის დამცირება მოვინდომოთ და მაშინ მტერი არის ძლიერი. წინა წლებში მტერი საქართველოში ვერ იყო ძლიერი იმიტომ, რომ ჩვენ ვიყავით ერთად და ჩვენს გერბზე ჩემი ინიციატივით დავწერეთ, რომ ძალა ერთობაშია. კიდევ ერთხელ მინდა გითხრათ, რომ ჩვენი ძალა ჩვენს ერთობაშია, ჩვენს ერთად ყოფნაშია და ჩვენს გაძლიერებაშია მომავალშიც,"- განაცხადა მიხეილ სააკაშვილმა.
