საპარლამენტო უმრავლესობის წევრის გია ვოლსკის განაცხადებით, ვილნიუსის სამიტის შემდეგ საქართველო რუსეთთან ურთიერთობაში პროცესების ყველანაირ ჭრილში განვითარებისთვის მუშაობს. როგორც გია ვოლსკიმ ,,ჯი-ეიჩ-ენთან" საუბარში პრემიერ ივანიშვილის განცხადების კომენტირებისას განმარტა მიუხედავად ამისა ქართული მხარის მოლოდინია რომ ევროკავშირთან ასოცირების ხელშეკრულების პარაფირებისა და შემდეგ ხელმოწერის შემდეგ რუსეთ-საქართველოს ურთიერთობას არ გართულდება.
ვოლსკის განმარტებით, ივანიშვილის გზავნილი იყო აბსოლუტურად სწორი აწონილი და პოლიტიკურად მოტივირებული.
,, საერთაშორისო ურთიერთობებსა და დიპლომატიაში აქსიომური წესია რომ პროცესების ყველანაირი ფორმით, განვითარებისთვის მზად უნდა იყო. ცალსახად არაფრის თქმა არ შეიძლება. თუმცა ჩვენ გვგონია, რომ ევროკავშირთან ასოცირების ხელშეკრულების პარაფირებამ და შემდეგ ხელმოწერამ რუსეთთან ურთიერთობა არ უნდა გაართულოს, მაგრამ პროცესების გართულებისთვისაც მზად უნდა ვიყოთ. ამიტომ პრემიერის განცხადება აბსოლუტურად სწორი აწონილი და პოლიტიკურად მოტივირებულია. თუმცა ეს არ ნიშნავს იმას რომ სახელმწიფო მმზად არ უნდა იყოს პროცესების ნებისმიერ ჭრილში განვითარებისთვის", _განაცხადა გია ვოლსკმა ,,ჯი-ეიჩ-ენთან" საუბარში.
შეგახსენებთ, რომ საქართველოს პრემიერ-მინისტრი ბიძინა ივანიშვილი მიიჩნევს რომ ევროკავშირთან ასოცირების ხელშეკრულების პარაფირება და შემდეგ ხელმოწერა რუსეთ-საქართველოს ურთიერთობას არ გაართულებს. როგორც პრემიერმა პოლონეთისა და შვედეთი საგარეო საქმეთა მინისტრებთან შეხვედრის შემდეგ განაცხადა ის რუსეთის ქმედებით გაოცებულია.
,,გაოცებული ვარ რუსეთის პოზიციით რომელიც, თითქოს, ევროკავშირის წინააღმდეგ პოზიციას ამჟღავნებს, რაც სამწუხაროა. თუმცა ამას ღიად არ აცხადებს და კარგია, ამის ეჭვი მხოლოდ მის ქმედებებში ჩნდება. არ ვფიქრობ, რომ ევროკავშირთან ასოცირების ხელშეკრულების პარაფირება და შემდეგ ხელმოწერა რუსეთ-საქართველოს ურთიერთობას გაართულებს, თუმცა კითხვები მაინც რჩება. იმედი მაქვს რომ რუსეთი მალე გააცნობიერებს და დაიწყებს სწრაფვას საუკეთესო გაერთიანებაში ევროკავშირში ", _განაცხადა ივანიშვილმა.
