პოლონეთის საგარეო საქმეთა მინისტრის რადისლავ სიკორსკის განცხადებით, თანამდებობის საკუთარი ნებით დატოვების შესახებ საქართველოს პრემიერ-მინისტრის ბიძინა ივანიშილის გადაწყვეტილება უპრეცედენტოა პოლიტიაში.
როგორც სიკორსკიმ ბიძინა ივანიშვილთან გამართული შეხვედრის დასრულების შემდეგ ჟურნალისტებთან საუბრისას აღნიშნა, საქართველოში 1 თვეში ბევრი რამ შეიცვლება და პრემიერის და პრეზიდენტის პოლიტიკიდან წასვლასთან ერთად, ახალი კონსტიტუციაც ამოქმედდება, რომლითაც საქართველო საპარლამენტო მმართველობის მოდელზე გადადის.
"ამ ულამაზესი ქალაქის ასეთ არაჩვეულებრივ ადგილას ყოფნით ვაცნობიერებ რამდენად მნიშვნელოვანი მომენტია. მე ვდგავარ ადამიანის გვერდით, რომელიც ნებაყოფლობით დათანხმდა პრემიერ-მინისტრის პოსტის დატოვებას, რაც პოლიტიკაში უპრეცედენტო შემთხვევაა. ჩვენ აქ ვიმყოფებით და უკვე ვიცით, რომ 1 თვეში ბევრი რამ შეიცვლება, არა მხოლოდ პრეზიდენტი და პრემიერ-მინისტრი, არამედ საქართველოს კონსტიტუციაც, საქართველო გადადის საპარლამენტო მმართველობაზე. ვეთანხმები პრეიერს იმაში, რომ ქვეყანა უნდა იყოს ერთიანი და შურისძიების ადგილი ევროპულ საზოგადოებაში არ არის. დავამტებ იმას, რომ ოპოზიცია პოლიტიკური სისტემის ნაწილია დემოკრატიულ ქვეყნებში და ევროპული გადაბარების ხარისხს წარმოადგენს. საქართველოსა და ევროკავშირს შორის ასოცირების შეთანხმების პარაფირების საკითხი მომავალი თვის ბოლოს გაირკვევა და თუ ეს მოხდება, 1 წელიწადში დოკუმენტს ხელი მოეწერება. ეს იმის დასტური იქნება, რომ თქვენ ნამდვილად ატარებთ ევროპულ კანონებს და ევროკავშირთან მიმართებაში ისეთივე ქვეყანა ხდებით, როგორებიც არიან ნორვეგია, შვეიცარია და სხვები,"- განაცხადა რადისლავ სიკორსკიმ.