საქართველოს პრეზიდენტი მიხეილ სააკაშვილი კურდღელს აჩუქებს.
პრეზიდენტის თქმით, შინაურ ცხოველს ნებისმიერ მსურველს დაუთმობს, რომელიც მას მოუვლის და არ შეჭამს.
სააკაშვილის განმარტებით, დიდი დიღმის რეზიდენციიდან გადასვლის შემდეგ კურდღლის მოსავლელად შესაბამისი პირობები არ აქვს და კახეთში მდებარე მის აგარაკზეც ვერ წაიყვანს, რადგან ვენახს შეუჭამს.
მიხეილ სააკაშვილმა სახელმწიფოს მიერ ნაქირავები დიღმის რეზიდენცია დღეს დაცალა და საცხოვრებლად ზანდუკელის ქუჩაზე გადავიდა.
მიხეილ სააკაშვილს პრეზიდენტობის ვადა 5 დღეში ეწურება.