დღეს, 23 ოქტომბერს საპრეზიდენტო არჩევნებზე დაკვირვების განხორციელების მიზნით საქართველოს არაბულ სახელმწიფოთა ლიგის დამვირვებელთა ძირითადი 12 კაციანი ჯგუფი ეწვევა.
შეგახსენებთ რომ საქართველოს არაბულ სახელმწიფოთა ლიგის დამკვირვებელთა ოთხკაციანი წინასწარი ჯგუფი, სამართლებრივ საკითხებში არაბთა ლიგის გენერალური მდივნის მოადგილის, ვაგიუფ საიდ ჰანაფის ხელმძღვანელობით საქართველოში უკვე იმყოფებოდა.
საგარეო საქმეთა სამინისტროს ინფორმაციით, ვიზიტის ფარგლებში მოსამზადებელი ჯგუფის წევრებმა შეხვედრები გამართეს საქართველოს იუსტიციის მინისტრთან, საქართველოს საგარეო საქმეთა მინისტრის მოადგილესთან და საქართველოს შინაგან საქმეთა სამინისტროს წარმომადგენლებთან.
საქართველოს ცენტრალური საარჩევნო კომისიის თავმჯდომარესთან შეხვედრისას, მხარეებმა ხელი მოაწერეს საქართველოს ცენტრალურ საარჩევნო კომისიასა და არაბულ სახელმწიფოთა ლიგას შორის ურთიერთგაგების მემორანდუმს. ვიზიტის ფარგლებში არაბულ სახელმწიფოთა ლიგის დელეგაცია ასევე შეხვდა პოლიტიკური პარტიების „ქართული ოცნებისა" და „ერთიანი ნაციონალური მოძრაობის" წარმომადგენლებს.
