"ლეიბორისტული პარტიის" საპრეზიდენტო კანდიდატის შალვა ნათელაშვილის განცხადებით, არჩევნების მეორე ტურის ნაკლებსავარაუდოობასთან დაკავშირებით პრემიერ-მინისტრ ბიძინა ივანიშვილის მიერ გაკეთებული განცხადება არჩევნების გაყალბების პირდაპირი წინაპირობაა.
ნათელაშვილი მიიჩნევს, რომ საზოგადოებაში არსებული განწყობის მიხედვით, იგი ერთმნიშვნელოვნად იმარჯვებს 27 ოქტომბრის საპრეზიდენტო არჩევნებში და ბიძინა ივანიშვილს "ლეიბორისტული პარტიის" მაღალი რეიტინგი აწუხებს და აშინებს.
"მე მოვიარე 700 სოფელი, შევხვდი 100 000-ობით ადამიანს ხელის ჩამორთმევით. 7%-იც პრობლემა იქნება სახელისუფლებო კანდიდატისათვის, რომ არ ედგას უკან 7 მილიარდით სავსე მუთაქა, ისევე როგორც მიცვალებულ "ნაციონალურ მოძრაობას" არანაირი პერსპექტივა არ შეიძლება ჰქონდეს,"- განაცხადა შალვა ნათელაშვილმა.
