საქართველოს პრემიერ-მინისტრი ბიძინა ივანიშვილი ფიქრობს, რომ პრეზიდენტ მიხეილ სააკაშვილს და თბილისის მერს გიგი უგულავას საქართველოში პოლიტიკური მომავალი არ აქვთ.
როგორც ივანიშვილმა ტელეკომპანია "იმედისთვის" მიცემულ ინტერვიუში აღნიშნა, სააკაშვილმა და უგულავამ უკვე ძალიან ბევრი გააფუჭეს, საზოგადოების მხრიდან ძალიან ბევრი კითხვები არსებობს მათ მიმართ და ძალიან გაუჭირდებათ, რომ საქართველოში პოლიტიკური კარიერა გაიკეთონ.
"ნაციონალური მოძრაობის" სხვა წევრებსაც ძალიან გაუჭირდებათ, რომ საქართველოში პოლიტიკური კარიერა გაიკეთონ, არ არის ქართველი ხალხი ისეთი ყრუ და ბნელი, როგორც ისინი ფიქრობენ საკუთარი ქცევებიდან გამომდინარე. დღემდე ცდილობენ სიცრუის ტირაჟირებას. მე სააკაშვილს პირველსავე შეხვედრაზე, სანამ პოლიტიკაში მოვიდოდი ძალიან მკაცრად ვესაუბრე რეზიდენციაში და შევახსენე, რომ მისთვის ძალიან ბევრი რჩევებიც გამიკეთებია, რაზეც ის დამეთანხმა. შემდეგ ვუთხარი ახლა მოგცემ მეთქი საუკეთესო რჩევას და გამოფხიზლდა. მე მას ვურჩიე, კარგი იქნება თუ გადადგები, გამოხვალ და ბოდიშს მოიხდი მეთქი. ასეთ შემთხვევაში მას საქართველოსი პოლიტიკური პოერსპექტივა კიდევ დარჩებოდა, მაგრამ ამის ვაჟკაცობა მას რა თქმა უნდა, არ ეყო,"- განაცხადა ბიძინა ივანიშვილმა.