"ერთადერთი რჩევა, სააკაშვილმა რაც ჩემი გაითვალისწინა, არჩევნების შემდეგ პირველად რომ შევხვდი საპატრიარქოში, ბიჭო, ეს წიკლაური გააჩუმე მეთქი, ხალხს აგრესია აქვს მეთქი და მაგის მერე წიკლაური არ წამოწეულა წინა პლანზე,"- ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას ისაუბრა.
ივანიშვილის თქმით, როდესაც ჟურნალისტებთან და ექსპერტებთან მისი შეხვედრები გაიმართა, ნუგზარ წიკლაურის შენიშვნა წაიკითხა, სადაც წიკლაური აცხადებდა - ივანიშვილი ახერხებს და მთელი საზოგადოება გადაიკიდა უკვეო.
პრემიერ-მინისტრის განცხადებით, იზიარებს წიკლაურის კომენტარს და არ ეშინია, რადგან ექსპერტებთან და ჟურნალისტებთან კრიტიკული მიდგომა აღნიშნულ სფეროებში მოღვაწე ადამიანებს უზრდით ემოციას, რომ მაქსიმალურად ფხიზლად დააფიქსირონ ხელისუფლების თითოეული შეცდომა.
"დასაფრდნენ და ძალიანაც კარგი, მიმანიშნონ. ეს მინდა მე ზუსტად. ოღონდაც არგუმენტირებულად და დასაბუთებულად. ჩემს შვილებს ასე ვზრდი: კრიტიკოსი და ოპონენტი შვილო, უფრო მეტად გიყვარდეს მეთქი და მეტი პატივი ეცი და ანგარიში გაუწიე, ვიდრე ახლობელს, რომელიც სადღეგრძელოებს ამბობს შენზე, რამეთუ სწორედ იქიდან შეიძლება ნახო სწორი გზა და გააკეთო დასკნა. კრიტიკასთან აბსოლუტურად ჯანსაღი დამოკიდებულება მაქვს,"- განაცხადა ბიძინა ივანიშვილმა.
