"თუ იქნება მეორე ტური, პრეზიდენტად ბაქრაძე მოვა, პრემიერად მიშას წამოაყენებს და ღმერთმა მოგახმაროთ,"- ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას ისაუბრა.
ივანიშვილის თქმით, ჟურნალისტები მასთან პოლემიკაში არგუმენტებს სათანადოდ ვერ ამყარებენ და ხშირ შემთხვევაში უსაფუძვლო ბრალდებები ისმის, რის გამოც ისინი წყენას გამოთქვამენ და აღნიშნავენ, რომ ყოფილი ხელისუფლება მედიასთან ურთიერთობის მხრივ, გაცილებით უკეთეს პოზიციას აფიქსირებდა.
"ჟურნალისტებმა ვერ დამალეს და ვერ მოახერხეს განაწყენების დაფარვა და წავიდესო რა, თავი დაგვანებოსო, მიშა კი არის ისეთი და რაღაც, მაგრამ რაღაც ფორმებს იცავდაო, დაახლოებით ასე გამოვიდა. თუ იქნება მეორე ტური, პრეზიდენტად ბაქრაძე მოვა მიშას პრემიერობაზე ჰქონდა დიდი აქცენტი, პრემიერად წამოაყენებს და ღმერთმა მოგახმაროთ და ძველი ტაშ-ფანდურიგექნებათ ისევ. გიორგი მარგველაშვილმა მხარდაჭერის 60%-ზე ნაკლები რომ მიიღოს, ესეც შეურაცხმყოფელი იქნება ჩემთვის,"- განაცხადა ბიძინა ივანიშვილმა.
