როგორც ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას აღნიშნა, "საქართველოს მთავრობაში არიან ისეთი მინისტრები, რომლებიც აბსოლუტურად აკადემიურად, ფუტკარივით მუშაობენ და არაფერს ზედმეტს არ აკეთებენ".

"ალექსი პეტრიაშვილს ერთ-ერთი პატარა სამინისტრო გააჩნია, 20 კაციც არ მუშაობს მგონი მასთან, კიდევ დავასახელებ სხვა სამინისტროებს, პაატა ზაქარეიშვილის და დავით ნარმანიას სამინისტროებს შეგახსენებთ ასევე, რომელიც არის აბსოლუტურად წარმატებული და დაბალანსებული. ასეთი ხელმძღვანელები გვჭირდება ჩვენ და არა - მოყვირალი, შარვლიდან ამოვარდნილი ხალხი, რომლებიც გვიმტკიცებენ 10-ჯერ და 100-ჯერ მეტს რასაც გააკეთებენ. ალექსი პეტრიაშვილზე არ იფიქროთ, რომ ის მუშაობს საკუთარ პიარზე.ზოგიერთი მინისტრი დღესაც ახერხებს ამას, მაგრამ აბსოლუტურად ბუნებრივად მოხდა ამ კაცის შექება და აბსოლუტურად იმსახურებს ჩემი მხრიდანაც,"- განაცხადა ბიძინა ივანიშვილმა.